TALABALARNING PEDAGOGIK AMALIYOTI NAZARIY BILIMLARINI MUSTAHKAMLASH MAQSADIDA

Annotatsiya

Ushbu ishda zamonaviy ta’lim tizimida pedagogik amaliyotning mazmuni, vazifalari hamda talabalarning professional shaxs sifatida shakllanishidagi o‘rni atroflicha yoritilgan. Pedagogik amaliyot bo‘lajak o‘qituvchilar uchun nafaqat o‘quv jarayonining tarkibiy qismi, balki nazariy bilimlarni amaliy faoliyat bilan uyg‘unlashtiruvchi, kasbiy mahorat poydevorini qo‘yuvchi asosiy bosqich ekanligi tahlil qilingan.Matnda talabalarda kasbiy kompetensiyalarni rivojlantirishning pedagogik mexanizmlari, jumladan, o‘quvchilar jamoasi bilan ishlash, dars jarayonini loyihalashtirish va pedagogik muloqot madaniyatini shakllantirish masalalariga alohida e’tibor qaratilgan. Shuningdek, bo‘lajak pedagoglarda ijodkorlik (kreativlik) va pedagogik mahoratni oshirishda amaliy mashg‘ulotlarning roli, dars tahlili hamda o‘z-o‘zini baholash (refleksiya) ko‘nikmalarini tarkib toptirish usullari bayon etilgan.