ISMOIL G‘ASPIRALINING “XOTINLAR O‘LKASI” ASARIDA UTOPIYAGA OID QARASHLARNING O‘ZIGA XOS XUSUSIYATLARI

Mazkur maqolada Ismoil G‘aspiralining “Xotinlar o‘lkasi” asari utopik va ijtimoiy-falsafiy nasr namunasi sifatida tahlil qilinadi. Asarda gender inversiyasi, alternativ jamiyat modeli, ijtimoiy eksperiment va ma’rifiy konsepsiya badiiy-falsafiy tizim asosida yoritilgani ochib beriladi. Tadqiqotda asarning utopik poetikasi, tanqidiy-utopik xarakteri hamda jadid adabiyotidagi o‘rni ilmiy jihatdan asoslanadi. Muallif ayollar hukmron bo‘lgan jamiyat modeli orqali patriarxal stereotiplarni dekonstruksiya qilib, gender tengsizligi, ma’rifatsizlik va ijtimoiy sustlik muammolarini allegorik-fantastik shaklda tasvirlaydi. Asarda tarbiya, ma’rifat va ijtimoiy muhit inson tabiatini shakllantiruvchi asosiy omillar sifatida talqin qilinadi. Shuningdek, utopiya va antiutopiya elementlarining uyg‘unligi, fantastik makon, ramziy obrazlar tizimi hamda pedagogik determinizm konsepsiyasi asarning muhim poetik belgilaridan biri sifatida baholanadi..