MOTIVATSIYA TUSHUNCHASI, INSON HAYOTIGA TA‘SIRI VA UNING TURLARI

Annotatsiya

Ushbu tadqiqot motivatsiya tushunchasining mazmuni, uning shakllanish jarayoni va rivojlanish bosqichlarini tahlil qilishga qaratilgan. Tadqiqot davomida motivatsiya nazariyalarining ilmiy manbalardagi talqini o‘rganilib, ularning psixologik va pedagogik jihatlari tahlil qilindi. Natijalar shuni ko‘rsatadiki, motivatsiya dastlab biologik ehtiyojlarga asoslangan bo‘lib, keyinchalik shaxsning ijtimoiy muhit bilan o‘zaro ta’siri natijasida murakkablashib borgan. Zamonaviy yondashuvlarda esa motivatsiya shaxs faoliyatini boshqaruvchi muhim omil sifatida baholanadi. Tadqiqot xulosalariga ko‘ra, motivatsiyaning rivojlanishi shaxsning faolligi, o‘qishga bo‘lgan qiziqishi va o‘zini namoyon etish jarayoniga bevosita ta’sir ko‘rsatadi.