XIX ASR OXIRI–XX ASR BOSHLARIDA ANGLIYADA ISHCHILAR HARAKATI VA KASABA UYUSHMALARINING ISHTIMOIY–SIYOSIY ROLI Sheraliyeva Xayriniso Abdurahmat qizi Termiz davlat Pedagogika instituti Pedagogika vaijtimoiy fanlar fakulteti Tarix ta’limi to‘nalishi 3-kurs talabasi https://doi.org/

Аннотация

Mazkur maqolada XIX asr oxiri – XX asr boshlarida Buyuk Britaniyada ishchilar harakati va kasaba uyushmalarining shakllanishi hamda rivojlanishi yoritilgan. Sanoat inqilobi natijasida vujudga kelgan iqtisodiy o‘zgarishlar va ularning ishchilar hayotiga ta’siri tahlil qilingan. Ishchilarning og‘ir mehnat sharoitlari, past ish haqi va ijtimoiy himoyaga bo‘lgan ehtiyojlari ko‘rsatib berilgan. Kasaba uyushmalarining tashkil topishi va ularning ishchilar manfaatlarini himoya qilishdagi faoliyati ochib berilgan. “Yangi tred-yunionizm” harakatining yuzaga kelishi va uning o‘ziga xos xususiyatlari tavsiflangan. London dok ishchilarining ish tashlashi ishchilar harakatining muhim bosqichi sifatida baholangan. Kasaba uyushmalarining ijtimoiy yordam va ma’rifiy faoliyati ham yoritilgan. Ayol ishchilarning kasaba uyushmalaridagi ishtiroki va ularning huquqiy tenglik uchun kurashi tahlil qilingan. Tadqiqot natijasida kasaba uyushmalari va ishchilar harakati Buyuk Britaniyada demokratik institutlar hamda fuqarolik jamiyati rivojlanishining muhim omillaridan biri ekanligi xulosalangan.