HUSAYNIY HAYOTI VA UNING SHE‘RIYATGA QO‘SHGAN HISSASI

Аннотация

Ushbu maqolada Husayniy taxallusi bilan ijod qilgan buyuk davlat arbobi va shoir — Husayn Boyqaro hayoti, siyosiy faoliyati hamda adabiy merosi chuqur tahlil qilinadi. U Temuriylar davrining yirik namoyandalaridan biri bo‘lib, Xuroson hududida hukmronlik qilgan va ilm-fan hamda madaniyat rivojiga katta hissa qo‘shgan. Maqolada uning davlat boshqaruvidagi donoligi bilan bir qatorda, “Husayniy” taxallusi ostida yaratgan she’riy asarlari, ularning g‘oyaviy-badiiy xususiyatlari yoritiladi.Shuningdek, Husayn Boyqaroning adabiyot ahliga ko‘rsatgan homiyligi, ayniqsa Alisher Navoiy bilan bo‘lgan yaqin aloqalari va bu hamkorlik natijasida yuzaga kelgan adabiy muhit haqida so‘z yuritiladi. Uning she’riyatida insonparvarlik, adolat, muhabbat va hayot falsafasi kabi mavzular asosiy o‘rin egallaydi. Maqola orqali Husayniyning nafaqat hukmdor, balki nozik didli ijodkor sifatidagi o‘rni ochib beriladi.