“YOSHLAR ORASIDA O‘Z JONIGA QASDNING OLDINI OLISH: RUHIY SALOMATLIK VA IJTIMOIY QO‘LLAB-QUVVATLASHNING AHAMIYATI”

Abstract

Mazkur maqola yoshlar orasida o‘z joniga qasd qilish muammosining bugungi kunda dolzarb ijtimoiy-psixologik muammolardan biri sifatida keng tahliliga bag‘ishlangan. Tadqiqotda ushbu holatning kelib chiqish sabablari, uning individual va ijtimoiy omillari, shuningdek, yoshlarning ruhiy salomatligiga ta’sir etuvchi asosiy faktorlar chuqur o‘rganilgan. Xususan, depressiya, xavotir, ruhiy tushkunlik, yolg‘izlik hissi, o‘zini qadrsiz his qilish kabi psixologik holatlarning yoshlar ongiga ta’siri ilmiy-nazariy asosda izohlanadi. Maqolada oilaviy muhit, ota-ona va farzand o‘rtasidagi muloqot sifati, ta’lim muassasalaridagi psixologik iqlim, tengdoshlar bilan munosabatlar hamda zamonaviy axborot texnologiyalarining (ijtimoiy tarmoqlar, internet) yoshlar ruhiyatiga ko‘rsatadigan ijobiy va salbiy ta’siri keng yoritilgan. Ayniqsa, kiberbulling, ijtimoiy taqqoslash va virtual bosimning ruhiy barqarorlikka salbiy ta’siri alohida e’tiborga olinadi.