ANTIK DUNYO VA MAHALLIY MADANIYATLAR SINTEZI

Abstrak

Mazkur maqolada antik dunyo — qadimgi Yunoniston va Rim sivilizatsiyasi — bilan Markaziy Osiyoning mahalliy mintaqaviy madaniyatlari, xususan, Baqtriya, So‘g‘diyona va Xorazm o‘lkalarining o‘zaro aloqasi, madaniy sintez jarayonlari tahlil qilinadi. Iskandar Zulqarnayn yurishlaridan boshlab, Yunon-Baqtriya podsholigi, So‘g‘diyona va Kushon imperiyasi davrigacha bo‘lgan tarixiy bosqichlarda ellinistik va mahalliy an’analarning o‘zaro ta’siri, san’at, me’morchilik, din va yozuv sohalaridagi sintez namunalari yoritiladi. Ayniqsa, hozirgi Termiz va uning atrofidagi arxeologik yodgorliklar — Ayritom, Fayoztepa, Qoratepa kabi manzilgohlar misolida ushbu jarayon konkret dalillar asosida ko‘rsatib beriladi.