RAQAMLI DUNYODA O‘SMIRLARNING O‘ZINI O‘ZI NAZORAT QILISHIGA TA’SIR ETUVCHI PSIXOLOGIK OMILLAR

Abstrak

Mazkur maqolada raqamli muhitda o‘smirlarning o‘zini o‘zi nazorat qilishiga ta’sir etuvchi ijtimoiy-psixologik omillar ilmiy-nazariy va amaliy jihatdan tahlil qilingan. Tadqiqotda raqamli texnologiyalar, ijtimoiy tarmoqlar, virtual muloqot, internetdan foydalanish xususiyatlari hamda axborot oqimining o‘smirlarning xulq-atvori va o‘zini o‘zi boshqarish jarayonlariga ta’siri yoritilgan. O‘zini anglash, refleksiya, emotsional barqarorlik, motivatsiya, irodaviy sifatlar, oilaviy muhit, tengdoshlar ta’siri va media madaniyat kabi ijtimoiy-psixologik omillarning o‘zini o‘zi nazorat qilishni shakllantirishdagi o‘rni ochib berilgan. Suningdek, Maqolada raqamli muhit sharoitida o‘smirlarning mas’uliyatli xulq-atvorini rivojlantirish, virtual xavflarga nisbatan psixologik barqarorligini oshirish hamda o‘zini o‘zi nazorat qilish kompetensiyasini takomillashtirishga qaratilgan psixologik yondashuvlar va amaliy tavsiyalar bayon etilgan.