O‘ZBEKISTON TARIXIY SHAHARLARIDA AN’ANAVIY TURAR-JOYLARNING SHAKLLANISHI

Annotatsiya

Ushbu maqolada O‘zbekistonning tarixiy shaharsozlik madaniyatida alohida o‘rin tutuvchi Marg‘ilon shahri misolida an’anaviy turar-joylarning shakllanish omillari, me’moriy-fazoviy yechimlari va ularning ijtimoiy-madaniy asoslari tadqiq etiladi. Tadqiqot doirasida Marg‘ilon shahrining o‘ziga xos iqlimiy sharoiti, xalq amaliy san’ati va hunarmandchilik an’analari hamda oilaviy-maishiy turmush tarzining turar-joy me’morchiligiga ko‘rsatgan ta’siri ilmiy nuqtai nazardan tahlil qilingan. Shuningdek, hududdagi an’anaviy hovli-joylarning kompozitsion tuzilishi, xonalarning funksional vazifalari hamda ularning shaharsozlik ijtimoiy tuzilmalari bilan o‘zaro aloqadorligi yoritib berilgan. Maqolada keltirilgan xulosa va takliflar tarixiy shaharlar me’moriy muhitini asrab-avaylash hamda zamonaviy turar-joylarni loyihalash amaliyotida an’anaviy me’morlik elementlaridan transformatsiya asosida unumli foydalanish metodologiyasini boyitishga xizmat qiladi.