RUS VA O‘ZBEK TILLARIDA HARAKAT FE’LLARINING QIYOSIY-TAHLILIY TAVSIFI

Annotatsiya

Mazkur maqolada rus va o‘zbek tillaridagi harakat fe’llari qiyosiy jihatdan tahlil qilinadi. Ularning semantik va grammatik xususiyatlari, shuningdek, harakat va yo‘nalishni ifodalash usullari ko‘rib chiqiladi. Rus tiliga xos bo‘lgan bir yo‘nalishli va ko‘p yo‘nalishli harakatlarning ifodalanishidagi farqlarga alohida e’tibor qaratiladi. Tadqiqot natijalariga ko‘ra, rus tilida harakat fe’llari tizimi ancha rivojlangan bo‘lib, o‘zbek tilida esa ko‘plab ma’nolar kontekst va analitik vositalar yordamida ifodalanadi. Tadqiqot natijalari rus tilini o‘rganishda hamda tarjima amaliyotida foydali bo‘lishi mumkin.