ЎЗБЕКИСТОН РЕСПУБЛИКАСИДА ТРАНСПОРТ СОҲАСИ ДАВЛАТ БОШҚАРУВИНИНГ ТАРИХИЙ-ҲУҚУҚИЙ ВА ИНСТИТУЦИОНАЛ ЭВОЛЮЦИЯСИ

Ушбу мақолада Ўзбекистон Республикасида транспорт соҳасида давлат бошқаруви тизимининг шаклланиши ва ривожланиши тарихий-ҳуқуқий ҳамда институционал жиҳатдан чуқур таҳлил қилинган. Муаллиф томонидан маъмурий-ҳуқуқий узвийлик тамойилига асосланган янги илмий даврлаштириш концепцияси илгари сурилиб, бошқарув эволюцияси бешта фундаментал босқичга ажратилган. Қадимги даврлардаги логистик бошқарув ва “lex mercatoria” анъаналаридан бошлаб, Чор Россияси ва Совет тузуми давридаги ҳарбий-маъмурий монополиянинг транспорт ҳуқуқига кўрсатган салбий таъсири очиб берилган. Мақолада юк ташиш муносабатларининг диспозитив табиати йўқотилишининг ҳуқуқий оқибатлари баҳоланиб, “Янги Ўзбекистон” шароитида транспорт соҳасини тубдан либераллаштириш ва жаҳон логистика тизимига очиқ интеграция қилишнинг тарихий ва юридик зарурияти илмий асосланган.