O‘PKANING SURUNKALI OBSTRUKTIV KASALLIGIDA RUHIY BUZILISHLARNING KLINIK-DINAMIK KECHISHI

Annotatsiya

O‘pkaning surunkali obstruktiv kasalligi (OSOK) nafaqat nafas yetishmovchiligi bilan, balki ruhiy holat buzilishlari bilan ham kechishi ko‘plab klinik kuzatuvlarda isbotlangan. OSOK bilan og‘rigan bemorlarning 65-70% ida depressiya, 40-50% ida tashvish buzilishlari aniqlangan. Uzoq muddatli gipoksemiya va giperkapniya markaziy asab tizimi faoliyatiga bevosita ta’sir ko‘rsatib, kognitiv pasayish, xotira buzilishlari va diqqat susayishi bilan kechadi. Bizning klinik kuzatuvimizda 120 nafar OSOK bemori tekshirildi. Dinamik tahlil shuni ko‘rsatdiki, qon gazlaridagi kislorod yetishmovchiligi darajasi oshgani sari kognitiv funksiyalar pasayishi ham keskinlashadi. Bundan tashqari, surunkali gipoksiya bemorlarda depressiv holat, xavotir va uyqu buzilishlarini kuchaytiradi. Natijalarga ko‘ra, bemorlarda ruhiy buzilishlarning rivojlanish tezligi OSOK bosqichi va gipoksiyaning og‘irlik darajasiga bog‘liq....