AUTENTIK ADABIY MATNLAR BILAN ISHLASHDA ESA METODINING DIDAKTIK AFZALLIKLARI

Annotatsiya

Mazkur maqolada autentik adabiy matnlar bilan ishlash jarayonida ESA (Engage–Study–Activate) metodining didaktik afzalliklari tahlil qilinadi. Hozirgi zamonaviy ta’lim tizimida bo‘lajak ingliz tili o‘qituvchilarining nafaqat lingvistik bilimlarini, balki adabiy kompetensiyalarini ham rivojlantirish muhim vazifa hisoblanadi. Ushbu jarayonda autentik adabiy matnlar talabalarning til, madaniyat va adabiyot haqidagi bilimlarini integrallashgan holda shakllantirishga xizmat qiladi. Tadqiqotda ESA metodining uch bosqichi – Engage, Study va Activate – adabiy matnlarni o‘qitish kontekstida ko‘rib chiqiladi. Engage bosqichida talabalar mavzuga qiziqtiriladi va ularning oldingi bilimlari faollashtiriladi. Study bosqichida matnning lingvistik, stilistik va mazmuniy xususiyatlari tahlil qilinadi. Activate bosqichida esa talabalar o‘z bilimlarini ijodiy va kommunikativ faoliyat orqali amaliyotga tatbiq etadilar. Tadqiqot natijalari ESA metodining autentik adabiy matnlar bilan ishlashda talabalarning o‘qish, tahlil qilish, talqin etish va tanqidiy fikrlash ko‘nikmalarini rivojlantirishga ijobiy ta’sir ko‘rsatishini tasdiqlaydi. Shuningdek, mazkur metod talabalarning dars jarayonidagi faolligini oshirish, motivatsiyasini kuchaytirish va mustaqil fikrlash kompetensiyalarini shakllantirishga xizmat qiladi. Kalit so’zlar: ESA metodi, autentik adabiy matnlar, adabiy kompetensiya, ingliz tili ta’limi, tanqidiy fikrlash, interpretatsiya, bo‘lajak o‘qituvchilar.