BO‘LAJAK BOSHLANG‘ICH SINF O‘QITUVCHILARINI TAYYORLASHNING ZAMONAVIY TENDENSIYALARI: RAQAMLI TRANSFORMATSIYA VA INNOVATSION TA’LIM TEXNOLOGIYALARI

Annotatsiya

Mazkur tezisda raqamli transformatsiya sharoitida bo‘lajak boshlang‘ich sinf o‘qituvchilarini tayyorlashning zamonaviy tendensiyalari hamda innovatsion ta’lim texnologiyalarini pedagogik ta’lim jarayoniga integratsiyalashning nazariy va amaliy jihatlari tahlil qilingan. Ta’limni raqamlashtirish jarayonlari pedagog kadrlarning kasbiy tayyorgarligiga qo‘yilayotgan yangi talablarni yuzaga keltirayotgani asoslangan. Shuningdek, bo‘lajak o‘qituvchilarning kasbiy kompetentligini rivojlantirish, raqamli kompetensiyalarini shakllantirish, innovatsion pedagogik faoliyatga tayyorlash hamda ta’lim sifatini oshirishda zamonaviy ta’lim texnologiyalarining imkoniyatlari yoritilgan. Tadqiqot natijalari pedagogik ta’lim tizimida innovatsion yondashuvlarni keng joriy etish va bo‘lajak boshlang‘ich sinf o‘qituvchilarini zamonaviy ta’lim muhitida samarali faoliyat yuritishga tayyorlash zarurligini ko‘rsatadi.