“BADIIY ADABIYOTDA HOTAMITOY OBRAZI”

Annotatsiya

Badiiy obraz atamasi keng va tor ma’nolarda ishlatiladi.Keng ma’noda badiiy obraz deganda borliqning san’atkor ko‘zi bilan ko‘rilgan va ijodiy qayta ishlangan qayta aksi (jonivorlar, narsa-buyumlar, hodisalar, tabiat obrazlari) nazarda tutilsa, tor ma’noda badiiy asardagi inson obrazi tushuniladi^[1]. Bundan tashqari adabiyotshunoslikka doir manbalarda inson obrazi tushunchasi personaj termini bilan ham ifodalandi. Personaj (lot.persona-shaxs, teatr maskasi) deganda badiiy adabiyotdagi inson obrazi, adabiy asarlardagi voqea ishtirokchisi, his-kechinma va nutq subyekti tushuniladi.^[2] Xususan, badiiy adabiyotda salmoqli hamda tarbiyaviy ahamiyatga ega bo’lgan Hotamtoy obrazini oladigan bo‘lsak, Hotamtoyning ijobiy xarakteri, uning bir necha xususiyatlari davrlar osha ko‘plab ijodkorlarning asarlaridan o‘rin olib kelmoqda.