MUSTAQILLIK DAVRIDA YARATILGAN ADABIYOTLARDA BUXORO MALIKALARI SIYOSIY HAYOTDA TUTGAN ROLINING YORITILISHI

Annotatsiya

Markaziy Osiyo musulmon tarixida ayollar haqidagi adabiyotlar juda ham noyob va kamchilikni tashkil etadi. Mamlakat siyosiy tarixida hukmdor oilasiga mansub ayollarning faolligiga qaramasdan siyosiy, diniy va madaniy sohalarda faol bo’lgan Shayboniy va Ashtarxoniy xonlarning rafiqalari va qizlari haqida jiddiy dalillarga qaramasdan XIX asrga qadar bu taniqli ayollarning biror birining nomi haqida birorta asar yaratilmagan, qiziqishlar bildirilmagan. Malikalar faoliyati xususida manbalarning yetishmasligi bugungi kunda O‘zbekiston tarixining dolzarb muammolaridan biri. Mustaqillik davrida tadqiqotchilar ushbu mavzuga doir izlanishlar olib borishdi. Malikalarning siyosatdagi tutgan roli va uning ahamiyati to‘g‘risida manbalar asosida ma’lumotlar to‘plandi va ilmiy tadqiqot ishlari amalga oshirildi. Manbalar tahlili tarixiy haqiqatlarni ochishda, malikalarning siyosiy faoliyatini ko‘rsatib berishda muhim ahamiyat kasb etdi. Quyida bir necha ilmiy tadqiqot ishlari bilan tanishamiz.