JAŃA ÓZBEKSTANDA JASLARǴA TIYISLI MÁMLKETLIK SIYASAT HÁM ONIŃ ÁHMIYETI

Annotatsiya

Búgin dúnyadaǵı quramalı hám tez ózgeriwsheń globallasıw shárayatında hár qanday mámlekettiń demokratiyalasqanlıq dárejesiniń áhmiyetli kórsetkishlerinen biri jámiyettiń sociallıq-mádeniy, siyasiy hámde ekonomikalıq mákanında jaslardıń da ornı qanday ekenligi menen belgilenedi. Jaslar mashqalaların sheshiw tarawındaǵı nátiyjeli mámleket siyasatın ámelge asırıw hámde onda qollanılatuǵın mexanizm hám texnologiyalardı jetilistirip barıw tek social turaqlılıq emes, bálkim ulıwma, mámleket qawipsizligin támiyinlewdiń áhmiyetli faktorlarınan biri esaplanadı. Bul bolsa, óz náwbetinde ulıwmajáhán standartları hám milliy-aymaqlıq ózgesheliklerin ózinde uyǵın tárizde sintezlegen innovaciyalıq mexanizm hám texnologiyalardı qollaǵan túrde ámelge asırılatuǵın uzaq múddetli jaslarǵa tiyisli mámleket siyasatı modelin islep shıǵıwǵa bolǵan zárúrlikti jáne de kúsheytpekte.