KUCHLI XOTIRAGA QANDAY ERISHILADI?

Annotatsiya

Xotiraning pasayishi har bir insonda kuzatiladigan holat. Deyarli barcha insonlar kitob o`qiganda, ma’lumotlar o`rganayotganda yo bo`lmasa boshqa turli masalalarda qancha harakat qilmasin, bularni eslab qololmaydi. Xotira o`zi nima? Odatda, bu savolga ko`pchilik oddiygina qilib javob beradi, aslida esa bu juda ham murakkab bo`lgan ham biologik, ham kimyoviy jarayondir. Har kim ham kuchli xotiraga ega bo`lishni istaydi. Bunga erishish uchun esa bir necha qadamlarni bosib o`tish kerak bo`ladi. Inson miyasi cheksiz imkoniyatlarga ega. Biroq hamma ham miyasidan to`liq foydalana olmaydi. Pikasso aytganidek: “Har bir bola ijodkor bo`lib tug`iladi, o`smirlikka o`tish jarayonida shu ijodkorlikni saqlab qolish – asosiy  muammo”. Ushbu maqolada miya salomatligi, xotirani qanday kuchaytirish, xotira pasayishiga qaysi omillar sabab bo`lishi, mnemonika san`ati hamda mantiqiy eslab qolish haqida ma`lumot beriladi.