XXI ASR TA'LIMIDA TARIX FANINING DOLZARB MUAMMOLARI VA YANGICHA YONDASHUVLAR

Abstrak

Ushbu maqolada zamonaviy ta’lim tizimida tarix fanini o‘qitishning dolzarb masalalari, ularni hal etish yo‘llari hamda ilg‘or pedagogik yondashuvlar ilmiy tahlil qilinadi. XXI asrda globalizatsiya, raqamli texnologiyalar va sun’iy intellektning tez sur’atlarda rivojlanishi natijasida o‘quvchilarning tarixga bo‘lgan qiziqishi, axborotga munosabati va bilish ehtiyojlari o‘zgarib bormoqda. Shu sababli tarix o‘qituvchisi nafaqat bilim beruvchi, balki tarixiy tafakkurni shakllantiruvchi, tanqidiy fikrlashni rivojlantiruvchi hamda milliy o‘zlikni mustahkamlovchi yetakchiga aylanmoqda. Maqolada tarix ta’limining zamonaviy nazariy asoslari, raqamli pedagogika imkoniyatlari, gamifikatsiya va interaktiv metodlarning samaradorligi, shuningdek xalqaro tajriba asosida o‘qitish strategiyalarining takomillashuvi yoritilgan.