MAKTABGACHA VA BOSHLANG'ICH TA'LIM TIZIMIDA O'QITISHNING ZAMONAVIY PEDAGOGIK TEXNOLOGIYALARI

Abstract

Ushbu maqolada maktabgacha va boshlang‘ich ta’lim tizimida zamonaviy pedagogik texnologiyalardan foydalanish masalasi yoritilgan. Ta’lim jarayoniga interfaol metodlar, axborot-kommunikatsiya texnologiyalari, o‘yin texnologiyalari hamda integratsiyalashgan yondashuvlarning joriy etilishi o‘quvchilarning faolligi, mustaqil fikrlash, ijodiy salohiyat va kommunikativ ko‘nikmalarini rivojlantirishdagi o‘rni tahlil qilinadi. Mahalliy va xorijiy tadqiqotchilarning ilmiy qarashlari hamda amaliy kuzatuvlar asosida zamonaviy pedagogik texnologiyalarning ta’lim samaradorligini oshirishga ta’siri ko‘rsatib berilgan. Tadqiqot natijalari shuni anglatadiki, mazkur texnologiyalar ta’lim jarayoniga yangicha yondashuv olib kirib, bolalarni har tomonlama barkamol shaxs sifatida shakllantirishda muhim omil bo‘lib xizmat qiladi.