BOSHLANGʻICH TAʼLIMDA INNOVATSION YONDASHUV

Abstract

Mazkur maqolada boshlang‘ich ta’lim jarayonida innovatsion yondashuvlarni qo‘llashning ilmiy-nazariy asoslari hamda amaliy samaradorligi yoritilgan. Ta’lim sifatini oshirishda ilg‘or pedagogik texnologiyalar, interfaol metodlar va axborot-kommunikatsiya vositalaridan foydalanishning ahamiyati tahlil qilingan. O‘tkazilgan kuzatish va tajribalar natijalariga ko‘ra, innovatsion metodlardan foydalanilgan sinflarda o‘quvchilarning bilim darajasi va darsga bo‘lgan qiziqishi an’anaviy usullarga nisbatan sezilarli darajada yuqori ekani aniqlangan. Shuningdek, innovatsion yondashuvlarning o‘quvchilar tafakkurini rivojlantirish, mustaqil fikrlash va ijodkorlik ko‘nikmalarini shakllantirishdagi o‘rni alohida ko‘rsatib o‘tilgan.