ONA TILI VA O'QISH FANLARINI INTEGRATSIYALASHGAN HOLDA SAVODXONLIKNI OSHIRISHNING SAMARALI METODLARI

Abstract

Ushbu maqolada ona tili va o‘qish fanlarini integratsiyalashgan holda savodxonlikni oshirishning samarali metodlari tahlil etilgan. Integratsiyalashgan yondashuvning o‘quvchilarda imloviy savodxonlik, matn bilan ishlash, mustaqil va ijodiy fikrlash ko‘nikmalarini rivojlantirishdagi ahamiyati yoritilgan. Tadqiqot jarayonida nazariy tahlil, pedagogik kuzatish va tajriba-sinov metodlari qo‘llanilib, interfaol usullar – “Klaster”, “INSERT”, “B-B-B”, “Aqliy hujum” kabi metodlarning amaliy samaradorligi o‘rganilgan. Natijalar shuni ko‘rsatadiki, integratsiyalashgan darslar o‘quvchilarda o‘qish va yozma nutq madaniyatini rivojlantirish, savodxonlikni oshirish hamda o‘qishga bo‘lgan qiziqishni kuchaytirishda muhim ahamiyat kasb etadi.