YUQORI SINF O'QUVCHILARIDA KASB TANLASH MOTIVLARINING O'RGANILISHI

Abstract

Jahonda aholi soni shiddat bilan o‘sib bormoqda. Aholi sonining ko‘payishi natijasida nafaqat ishga bo‘lgan talab, balki sifatli kadrlarga bo‘lgan talab ham oshib bormoqda. Bu esa ta’lim va kasb-hunarga tayyorlov sohasiga alohida e’tibor berish zaruratini vujudga keltirmoqda. Shaxsning kasbiy shakllanishi va biron bir soha mutaxassisi sifatida kamolga yetishini ta’limdan ayri holda tasavvur etib bo‘lmaydi. Psixologiyaga oid adabiyotlar va psixologik tadqiqotlar shuni ko‘rsatadiki, insonning kasbiy shakllanishi uning hayoti davomida kechadigan murakkab jarayon hisoblanadi hamda bu uning yoshiga va shaxs sifatida rivojlanishiga mos holda yuz beradi. Kishining kasbiy muvaffaqiyati va mataxassis sifatida mahorat darajasini oshish sur’ati uning kasb tanlash motivlari bilan uzviy bog‘liq sanaladi.