BUYUK IPAK YO‘LINING O‘ZBEKISTON SHAHARLARIDAGI URBANIZATSIYA JARAYONLARIGA TA’SIRI

Abstrak

Mazkur maqolada Buyuk Ipak yo‘lining O‘zbekiston hududidagi shaharsozlik (urbanizatsiya) jarayonlariga ko‘rsatgan ta’siri tarixiy manbalar va arxeologik ma’lumotlar asosida tahlil qilinadi. Unda qadimiy savdo yo‘llari, xususan, Ipak yo‘lining O‘zbekiston hududidan o‘tgan tarmoqlari — Farg‘ona, Toshkent (Choch), Samarqand, Buxoro, Xorazm va Ustrushona kabi tarixiy viloyatlar hayotidagi o‘rni yoritilgan. Maqolada ushbu yo‘l orqali amalga oshirilgan xalqaro savdo-sotiq, madaniy almashinuv, hunarmandchilik va shahar infratuzilmasining rivojlanishi, karvonsaroylar, sardobalar, bozorlar va yarmarkalarning shakllanishi ilmiy jihatdan tahlil qilinadi. Shuningdek, Buyuk Ipak yo‘lining iqtisodiy, ijtimoiy va madaniy hayotga ko‘rsatgan bevosita ta’siri O‘zbekistonning qadimiy shaharlarining paydo bo‘lishi va ularning urbanistik rivojlanishida muhim omil bo‘lgani asoslab beriladi.