ИЧКИ ВА ТАШҚИ МИГРАЦИЯНИНГ ОИЛА БАРҚАРОРЛИГИ ВА ДЕМОГРАФИК ЖАРАЁНЛАРГА УЗОҚ МУДДАТЛИ ТАЪСИРИ

Abstrak

Мазкур мақолада Ўзбекистонда ички ва ташқи миграция жараёнларининг оила барқарорлиги ва демографик ривожланишга узоқ муддатли таъсири таҳлил қилинади. Тадқиқотда миграциянинг ажримлар сонининг ошишига, туғилиш кўрсаткичларининг пасайишига ва оила институтининг заифлашувига таъсири кўрсатилади. Хусусан, ота-онаси миграцияда бўлган болаларнинг психоэмоционал ҳолати, таълим сифати ва ижтимоий ҳимоя муаммолари ёритилади. Шунингдек, никоҳ миграцияси тенденцияси, ҳудудий демографик номутаносиблик ва малакали кадрлар йўқотилиши масалалари кўриб чиқилади.