KÓRKEM SHIǴARMALARDA SESLIK QUBÍLÍSLARDÍŃ QOLLANÍLÍWÍ

Abstrak

Qaraqalpaq tilinde sóz ishinde jumsalıw jaǵdayına qaray, qosımta quramında, morfemalardıń shegarasında jumsalıwına qaray, sesler azlı-kópli ózgeriske ushıraw jaǵdayı da ushırasadı. Ádebiy tilde seslerdegi ayırım ózgerisler yaǵnıy seslerdiń orın almasıw, túsip qalıw, qosılıw qubılısları úlken áhmiyetke iye. Bunday fonetikalıq qubılıslar seslerdiń dara turǵanında emes, al sózde yaki sóz dizbeginde jumsalıwı menen júzege asadı.