МАЪМУРИЙ СУДЛАРДА БИРИНЧИ ИНСТАНЦИЯ СУДИДА ИШ ЮРИТИШНИНГ АЙРИМ ПРОЦЕССУАЛ МАСАЛАЛАРНИ ТАКОМИЛЛАШТИРИШ: МУАММО ВА ЕЧИМЛАР

Аннотация

Ўзбекистон Республикаси Конституциясининг 134-моддасида Ўзбекистон Республикаси Олий суди фуқаролик, жиноий, иқтисодий ва маъмурий суд ишларини юритиш соҳасида суд ҳокимиятининг олий органи сифатида белгиланган бўлиб, маъмурий суд ишларининг алоҳida кўрсатилиши муаллиф назарида муҳим аҳамиятга эга. Илмий ва ўқув адабиётларда “маъмурий судлов”, “маъмурий процесс” ёки “маъмурий суд ишларини юритиш” жумлалари кўп учраса-да, ушбу атамалар тадбиркорлик субъектлари, кенг аҳолига бир мунча қийинроқ туюлади. МСИЮтКда асосан “Маъмурий суд ишларини юритиш” атамаси суд процесси, процессуал ҳаракатлар, процессуал иштирокчилар, процессуал қоидалар, процессуал муддатлар, процессуал ҳуқуқ ва мажбуриятлар процессуал оқибатлар маъноларида учрайди.