SINTETIK KONTENTNI INTELLEKTUAL MULK SIFATIDA KVALIFIKATSIYA QILISH MEZONLARI: MAS’ULIYAT BALANSI VA HOSILA ASARLARDAN FARQLASH MUAMMOLARI

Abstrak

Generativ sun’iy intellekt texnologiyalarining keng tarqalishi natijasida paydo bo’lgan sintetik kontent intellektual mulk huquqining klassik kvalifikatsiya mezonlarini — originallik, ijodiy ifoda va insoniy mualliflik tamoyillarini tizimli inqirozga uchratmoqda. Amaldagi huquqiy tizim sintetik kontentni mustaqil asar sifatida tan olish uchun yetarli normativ asos taqdim etmaydi, bu esa hosila asardan farqlash hamda iqtisodiy mas’uliyat taqsimotida huquqiy bo’shliq vujudga keltirmoqda. Ushbu maqolada sintetik kontentni intellektual mulk sifatida kvalifikatsiya qilishning nazariy mezonlari xalqaro sud amaliyoti va qiyosiy-huquqiy tahlil metodologiyasi doirasida tahlil etiladi. Tadqiqotda sun’iy intellekt tizimlarining instrumental tabiati (algoritmik shablonlar) ko’rsatib beriladi hamda deliktual mas’uliyat va eksklyuziv huquqlar simmetriyasiga asoslangan yagona kvalifikatsiya modeli taklif etiladi.