KAMBAG‘ALLIK DINAMIKASIGA TA’SIR ETUVCHI IJTIMOIY-IQTISODIY OMILLARNI EKONOMETRIK BAHOLASH

Аннотация

Mazkur maqolada O‘zbekistonda kambag‘allik darajasining o‘zgarishiga ta’sir etuvchi asosiy ijtimoiy-iqtisodiy omillarni aniqlash va ularning ta’sir darajasini ekonometrik usullar asosida baholash masalalari tadqiq etiladi. Tadqiqotning asosiy maqsadi kambag‘allik dinamikasi va unga ta’sir qiluvchi omillar o‘rtasidagi statistik bog‘liqlikni aniqlash hamda kambag‘allikni qisqartirish siyosatining samaradorligini oshirish bo‘yicha ilmiy-amaliy takliflar ishlab chiqishdan iborat. Tadqiqotda statistik tahlil, dinamik qatorlar, korrelyatsion va regressiya tahlili usullaridan foydalanish nazarda tutiladi. Kambag‘allik darajasi natijaviy ko‘rsatkich sifatida olinib, aholi daromadlari, bandlik, ishsizlik, inflyatsiya, ijtimoiy transfertlar va boshqa ijtimoiy-iqtisodiy ko‘rsatkichlarning unga ta’siri baholanadi. Olingan natijalar kambag‘allikni qisqartirish bo‘yicha manzilli siyosiy choralarni takomillashtirish uchun asos bo‘lib xizmat qiladi.