FORS KO‘RFAZI ARAB DAVLATLARI VA MARKAZIY OSIYO O‘RTASIDAGI IQTISODIY ALOQALARNING ZAMONAVIY TRANSFORMATSIYASI: GEOIQTISODIY OMILLAR, ASOSIY YO‘NALISHLAR VA RIVOJLANISH ISTIQBOLLARI

Аннотация

Mazkur maqolada Fors ko‘rfazi arab davlatlari hamkorlik kengashi (GCC) mamlakatlari va Markaziy Osiyo davlatlari o‘rtasidagi zamonaviy iqtisodiy aloqalarning rivojlanish tendensiyalari, asosiy yo‘nalishlari va istiqbollari tahlil qilinadi. Tadqiqotda Saudiya Arabistoni, Birlashgan Arab Amirliklari, Qatar, Quvayt, Ummon va Bahraynning O‘zbekiston, Qozog‘iston, Qirg‘iziston, Tojikiston hamda Turkmaniston bilan iqtisodiy munosabatlari savdo, investitsiya, energetika, transport-logistika va iqtisodiy diversifikatsiya nuqtai nazaridan ko‘rib chiqiladi. Tadqiqot natijalari GCC davlatlari va Markaziy Osiyo mamlakatlarining iqtisodiy manfaatlari bir qator yo‘nalishlarda o‘zaro to‘ldiruvchi xususiyatga ega ekanligini ko‘rsatadi. GCC mamlakatlari kapital, moliyaviy resurslar, investitsiya institutlari va xalqaro biznes tajribasiga ega bo‘lsa, Markaziy Osiyo tabiiy resurslar, qayta tiklanuvchi energetika salohiyati, transport-geografik joylashuvi va rivojlanayotgan bozorlar bilan ajralib turadi. Shu bilan birga, iqtisodiy aloqalarning mavjud darajasi ikki mintaqaning potensial imkoniyatlariga to‘liq mos kelmaydi. Maqolada iqtisodiy hamkorlikni chuqurlashtirish uchun investitsiya muhitini takomillashtirish, savdo to‘siqlarini kamaytirish, transport koridorlarini rivojlantirish, energetika hamkorligini kengaytirish va institutsional mexanizmlarni kuchaytirish zarurligi asoslanadi.