BOSHLANG‘ICH TA’LIMDA DEBAT ELEMENTLARIDAN FOYDALANISH

Аннотация

Ushbu maqolada boshlang‘ich ta’lim jarayonida debat elementlaridan foydalanishning pedagogik imkoniyatlari, o‘quvchilarning bilish faolligi va kommunikativ ko‘nikmalarini rivojlantirishdagi ahamiyati yoritilgan. Boshlang‘ich sinf o‘quvchilarining yosh va psixologik xususiyatlarini hisobga olgan holda debatning sodda hamda tushunarli shakllaridan foydalanish orqali ularda mustaqil fikrlash, o‘z nuqtayi nazarini erkin ifodalash, fikrini dalillar asosida asoslash, savol berish va berilgan savollarga mantiqiy javob qaytarish ko‘nikmalarini shakllantirish imkoniyatlari tahlil qilingan. Shuningdek, dars jarayonida muammoli savollar, kichik guruhlardagi munozaralar, “fikrimni asoslayman”, “mening nuqtayi nazarim”, “rozi–qarshiman” kabi debat elementlaridan foydalanishning samaradorligi ko‘rib chiqilgan. Bunday yondashuv o‘quvchilarning darsdagi faolligini oshirish, turli fikrlarga hurmat bilan munosabatda bo‘lish, tinglash madaniyatini shakllantirish va muloqot jarayonida o‘z fikrini aniq ifodalashga yordam beradi. Maqolada debat elementlarini fanlararo bog‘liqlik asosida qo‘llash orqali o‘quvchilarning tanqidiy va ijodiy fikrlashini rivojlantirish, hamkorlikda ishlash ko‘nikmalarini mustahkamlash hamda ta’lim jarayonini interfaol tashkil etish masalalariga alohida e’tibor qaratilgan. Tadqiqot natijalari boshlang‘ich ta’limda debat elementlaridan maqsadli va metodik jihatdan to‘g‘ri foydalanish o‘quvchilarning intellektual, kommunikativ va ijtimoiy kompetensiyalarini rivojlantirishga xizmat qilishini ko‘rsatadi.