KO‘ZYOSH KANALI VA O‘RTA BURUN YO‘LI O‘RTASIDAGI O‘ZARO MUNOSABATLARNING YOSHGA BOG‘LIQ XUSUSIYATLARINING ZAMONAVIY JIHATLARI

Abstrak

Yoshga bog‘liq ko‘zyosh kanali va o‘rta burun yo‘li anatomiyasidagi o‘zgarishlar ko‘z yosh oqimining buzilishiga, surunkali dakriotsistit rivojlanishiga, ko‘zyosh chiqarish yo‘llarining stenoziga hamda jarrohlik davolash samaradorligiga sezilarli ta’sir ko‘rsatadi. Tadqiqot maqsadi ko‘zyosh kanali va o‘rta burun yo‘li o‘rtasidagi o‘zaro munosabatlarning yoshga bog‘liq anatomik-morfologik xususiyatlarini o‘rganish, ularning ko‘zyosh chiqarish tizimi patologiyasi rivojlanishiga ta’sirini aniqlash hamda olingan ma’lumotlarning jarrohlik taktikasini tanlashdagi ahamiyatini baholashdan iborat. Farg‘ona shahridagi ko‘p tarmoqli shifoxonaning oftalmologiya va otorinolaringologiya bo‘limlarida tekshiruvdan o‘tgan 18–80 yoshdagi 150 nafar bemorda prospektiv klinik-anatomik tadqiqot o‘tkazildi. Surunkali ko‘zyosh oqimi buzilishining chastotasi yosh guruhida 8,0% dan 60 yoshdan katta bemorlarda 42,0% gacha oshdi (p<0,001). Bemorlar yoshi va ko‘zyosh kanali stenozlari chastotasi o‘rtasida kuchli ijobiy korrelyatsion bog‘liqlik aniqlandi (r=0,72).