O'QUV JARAYONIDA DATA-TAHLIL VA MONITORING TIZIMLARIDAN FOYDALANISHNING JAHON TAJRIBASI VA GLOBAL HOLATI

Abstrak

Bugungi kunda ta’lim jarayoni global va mahalliy miqyosda turli algoritmlar, analitik vositalar va monitoring tizimlari orqali optimallashtirilmoqda. Jumladan, talabalarning faoliyati, ularning yutuqlari va qiyinchiliklari, professor-o‘qituvchilarning dars olib borish jarayonlari hamda boshqaruv organlarining qaror qabul qilish jarayonlari uchun katta hajmdagi ma’lumotlar (“data”) tahlili muhim omilga aylangan. Shu munosabat bilan o‘quv jarayonida data‑tahlil (ma’lumotlarni yig‘ish, qayta ishlash, tahlil qilish) va monitoring tizimlari (o‘zgarishlarni kuzatish, baholash, koordinatsiya qilish) ning samaradorligini tadqiq qilish ilmiy muhim ahamiyatga ega. Maqolada zamonaviy ta’lim tizimida data-tahlil va monitoring texnologiyalarining o‘rni, ularning o‘qitish jarayonidagi samaradorlikni oshirishdagi roli hamda jahon mamlakatlarida qo‘llanilayotgan ilg‘or tajribalar tahlil qilingan. Shuningdek, AQSh, Yevropa, Osiyo va Avstraliya davlatlarining ta’limda raqamli analitika yondashuvlari qiyosiy o‘rganilib, O‘zbekiston uchun istiqbolli yo‘nalishlar taklif etilgan..