KADRLAR SALOHIYATINI RIVOJLANTIRISH ASOSIDA OLIY TA’LIM MUASSASALARI RAQOBATBARDOSHLIGINI OSHIRISH

Annotatsiya

Mazkur tezisda oliy ta’lim muassasalari raqobatbardoshligini oshirishda kadrlar salohiyatini rivojlantirishning strategik ahamiyati yoritiladi. Tadqiqotda professor-o‘qituvchilarning ilmiy, pedagogik, raqamli va innovatsion kompetensiyalari ta’lim sifati va institutsional raqobat ustunligini belgilovchi asosiy omil sifatida talqin qilinadi. O‘zbekiston oliy ta’lim tizimida qamrov kengayayotgan sharoitda universitetlar raqobatbardoshligini kuchaytirish inson kapitalini uzluksiz rivojlantirish, ilmiy-tadqiqot faolligini oshirish, xalqaro hamkorlik va mehnat bozori bilan integratsiyani chuqurlashtirish orqali ta’minlanishi asoslanadi.