“MUSTAQILLIKNING DASTLABKI YILLARIDA NAVOIY VILOYATIDA IJTIMOIY HIMOYA VA TIBBIYOT TIZIMIDAGI MUAMMOLAR HAMDA ISLOHOTLAR (1991–2000-YILLAR)”

Annotatsiya

Mazkur maqolada mustaqillikning dastlabki yillarida (1991–2000-yillar) Navoiy viloyatida amalga oshirilgan ijtimoiy himoya siyosati hamda sog‘liqni saqlash tizimining holati arxiv hujjatlari va rasmiy me’yoriy-huquqiy manbalar asosida tadqiq etilgan. Tadqiqotda aholining ijtimoiy himoyaga muhtoj qatlamlarini qo‘llab-quvvatlash, nogironlar, pensionerlar, kam ta’minlangan oilalar va yolg‘iz keksalarga ko‘rsatilgan davlat yordami, bandlikni ta’minlash, reabilitatsiya markazlari va ijtimoiy xizmatlar tizimini rivojlantirish masalalari tahlil qilingan. Shuningdek, viloyatda tibbiyot tizimining moddiy-texnik holati, sil, o‘sma, endokrin va yuqumli kasalliklar dinamikasi, onalar va bolalar salomatligi, ekologik omillarning aholi salomatligiga ta’siri hamda sog‘liqni saqlash sohasida amalga oshirilgan islohotlarning natijalari ilmiy asosda yoritilgan. Tadqiqot natijalari “kuchli ijtimoiy siyosat” tamoyili asosida olib borilgan davlat siyosati iqtisodiy transformatsiya sharoitida aholini ijtimoiy himoya qilish va tibbiyot tizimini modernizatsiya qilishning muhim omiliga aylanganligini ko‘rsatadi.