O'SMIR QIZLARDA UYQU VA STRESSING HAYZ SIKLIGA TA'SIRI

Abstrak

O‘smirlik davri organizmda gormonal, psixoemotsional va reproduktiv tizimlarning shakllanishi bilan xarakterlanadigan muhim fiziologik bosqich hisoblanadi. So‘nggi yillarda o‘smir qizlar orasida uyqu yetishmovchiligi, kech uxlash, smartfon va ijtimoiy tarmoqlardan ortiqcha foydalanish, shuningdek, o‘qish jarayoni bilan bog‘liq psixoemotsional stress holatlari keng tarqalmoqda. Uyqu rejimining buzilishi va surunkali stress gipotalamo-gipofizar-tuxumdon o‘qi faoliyatiga salbiy ta’sir ko‘rsatib, gormonal disbalansni yuzaga keltiradi. Natijada hayz siklining kechikishi, noturg‘unligi, dismenoreya yoki amenoreya kabi holatlar rivojlanishi mumkin. Ushbu maqolada o‘smir qizlarda uyqu va stress omillarining hayz sikliga ta’siri, ularning patofiziologik mexanizmlari hamda profilaktika masalalari tahlil qilinadi