ERTA YOSHDAGI BOLALARDA SON SUYAGINING TO'G'MA CHIQISHINI ERTA TASHXISLASH VA SAMARALI DAVOLASH

Abstrak

Mazkur maqolada erta yoshdagi bolalarda son suyagining to’g’ma chiqishini (displaziya va chiqishlar) erta tashxislash va samarali davolash strategiyalari yoritilgan. Bolalik davrida son-chanoq bo‘g‘imi displaziyasi keng tarqalgan ortopedik muammolardan biri bo‘lib, erta aniqlanmasa, nogironlikka olib kelishi mumkin. Tadqiqotda mavjud diagnostika usullari – fizik ko‘rik, ultratovush tekshiruvi va rentgenologik usullar tahlil qilinib, ularning samaradorligi solishtiriladi. Shuningdek, konservativ va jarrohlik davolash usullarining natijalari ko‘rib chiqilib, yoshga, chiqish darajasiga va patologiyaning rivojlanish bosqichiga qarab mos yondashuvlar tavsiya etiladi. Maqolada ilg‘or amaliyotlar, klinik tavsiyalar va milliy hamda xalqaro tajribalarga asoslangan takliflar berilgan.