ТRIBULUS TERRESTRIS L, AJUGA TURKESTANICA, GLYCYRRHÍZA GLABRA L ЎСИМЛИКЛАРИНИНГ ЭКСТРАКТЛАРИ, ТАЙЁР ТАРКИБНИНГ ҚОЛДИҚ НАМЛИГИ ВА ГИГРОСКОПИКЛИГИНИ АНИҚЛАШ

Аннотация

Мақолада Tribulus terrestris L., Ajuga turkestanica ва Glycyrrhíza glabra L ўсимликларидан олинган экстрактлар ҳамда улар асосида тайёрланган таркиб намуналарининг қолдиқ намлиги ва гигроскопиклик даражасини аниқлаш бўйича тадқиқот натижалари келтирилган. Қолдиқ намлик миқдори УФМ.1.2.1.0010.15 талабларига мувофиқ, 105–110 ºС ҳароратда Aczet MB 200 влагомери ёрдамида аниқланди. Намуналарнинг гигроскопиклик даражаси эса Европа фармакопеяси (Ph. Eur. 7.0, 5.11) усули асосида баҳоланди. Олиб борилган тадқиқотлар натижасида Tribulus terrestris L. ва Ajuga turkestanica экстрактлари жуда гигроскопик, Glycyrrhíza экстракти ҳамда тайёр таркиб намуналари эса гигроскопик хусусиятга эга эканлиги аниқланди. Олинган натижалар қаттиқ дори шаклларини ишлаб чиқишда экстрактларнинг физик-кимёвий ва технологик хусусиятларини ҳисобга олиш зарурлигини кўрсатади.