БОЛАЛАРДА ПЛЕКСИТЛАР (ИММУН ВОСИТАЧИЛИ БРАХИАЛ ПЛЕКСОПАТИЯ, НЕЙРАЛГИК АМИТРОФИЯ) КЛИНИКАСИ, ДИАГНОСТИКАСИ ВА ДАВОЛАШ ТАКТИКАСИ БЎЙИЧА ЗАМОНАВИЙ ҚАРАШЛАР

Abstract

Долзарблиги. Периферик нерв плексусларининг яллиғланиш ва иммун-воситачили шикастланишлари – плекситлар, хусусан брахиал плексит ёки нейралгик амитрофия (Parsonage–Turner синдроми), болаларда кам учрайдиган, аммо клиник жиҳатдан муҳим касаллик ҳисобланади. Касаллик одатда елка камарида кутилмаган, кучли оғриқ билан бошланиб, қисқа муддат ичида мушак кучсизлиги, атрофия ва ҳаракат функциясининг чекланишига олиб келади. Нотўғри ёки кеч ташхис қўйилганда, боланинг кундалик фаолияти ва ҳаётий сифати жиддий пасаяди, реабилитация даври бир неча ой ва ҳатто йилларга чўзилиши мумкин.