ҚАНДЛИ ДИАБЕТДА БЎҒИМЛАР ҲАРАКАТЧАНЛИГИНИНГ ЧЕКЛАНГАНЛИК СИНДРОМИ

Аннотация

Қандли диабет (ҚД) билан касалланган беморларда таянч-ҳаракат аппаратида  ўзгаришлар кузатилади, хусусан, хайроартропатия — сурункали гипергликемия шароитида қўлнинг бириктирувчи тўқима тузилмаларининг ўзига хос шикастланиши бўлиб, одатда оғриқ синдромисиз бўғимлар ҳаракатчанлигининг чекланишига олиб келади. Баъзи муаллифлар ҚДдаги таянч-ҳаракат аппарати шикастланишини тасвирлаш учун "чекланган бўғим ҳаракати синдроми" (ЧБҲС) атамасидан фойдаланадилар, чунки касаллик узоқ давом этганда нафақат юқори, балки пастки оёқ-қўлларнинг ҳам майда ва йирик бўғимлари патологик жараёнга жалб қилинади.