O'ZBEKISTONDA AYOLLAR ORASIDA HPV VIRUSINING TURLI YOSH GURUHLARIDA UCHRASH DARAJASI VA KLINIK XUSUSIYATLARI

Abstract

Human papilloma virusi dunyo miqyosida keng tarqalgan virusli kasalliklardan biri bo‘lib, ayniqsa reproduktiv yoshdagi aholida yuqori uchrash chastotasiga ega. Bachadon bo‘yni saratoni holatlarining deyarli barchasi (99%)  HPV infeksiyasi bilan bog‘liq [8]. 2012 yilda taxminan 528,000 yangi holat qayd etilgan. Ko‘pchilik HPV viruslari o‘z-o‘zidan yo‘qoladi, ammo onkogen yoki yuqori xavfli turlar bilan davom etuvchi virus orofaringeal va anogenital hududlar saratoniga olib kelishi mumkin [5]. Global statistikaga ko‘ra, dunyoda 15-49 yosh oralig‘idagi ayollarning taxminan 11-12% i HPV bilan zararlangan bo‘lishi mumkin [2]. Ba’zi tadqiqotlarda esa jinsiy faol yosh ayollarda HPV infeksiyasining uchrash darajasi 20–30% gacha yetishi mumkinligi qayd etilgan [4]. Bu ko‘rsatkichlar HPV infeksiyasining keng tarqalganligini va uning jiddiy epidemiologik muammo ekanligini ko‘rsatadi.