MAGTYMGULY PYRAGYNYŇ ŞYGYRLARYNDA YŞK-SÖÝGI TEMASY

Abstrak

Bu makalada türkmen nusgawy edebiýatynyň görnükli wekili Magtymguly Pyragynyň döredijiliginde yşk-söýgi temasynyň beýany öwrenilýär. Magtymguly şygyrlarynda söýginiň mukaddesligi, gelin-gyzlaryň jemgyýetdäki orny, maşgala gymmatlyklary we adamkärçilik sypatlary giňden teswirlenýär. Şeýle hem şahyr ýaşlaryň söýgi esasynda durmuş gurmagyny goldap, şol döwrüň käbir ýaramaz däp-dessurlaryny tankyt edýär. Makalada şahyryň söýgi temaly eserleriniň çeperçilik aýratynlyklary, ulanylýan meňzetmeler we deňeşdirmeler, şeýle hem sopuçylyk garaýyşlarynyň täsiri barada hem maglumat berilýär. Netijede, Magtymgulynyň yşk-söýgi baradaky goşgularynyň diňe bir şahsy duýgular däl, eýsem jemgyýetçilik ähmiýetli pikirleri hem özünde jemleýändigi görkezilýär.