MAGTYMGULY PYRAGYNYŇ ÖWÜT-NESIHAT ŞYGYRLARY

Abstrak

Bu makalada XVIII asyr türkmen edebiýatynyň görnükli wekili Magtymguly Pyragynyň öwüt-nesihat häsiýetli şygyrlary seljerilýär. Şahyryň döredijiliginde adamkärçilik, ahlak arassalygy, watansöýüjilik, dostluk, agzybirlik, ýagşylyk hem-de ynsanperwerlik ýaly gymmatlyklaryň giňden wasp edilýändigi görkezilýär. Makalada Magtymgulynyň halkyň baý ruhy mirasyna, aýratyn-da nakyllara we atalar sözlerine daýanmak arkaly öz pikirlerini sada we düşnükli dilde beýan edendigi bellenilýär. Şeýle-de şahyryň merdiň hem namardyň keşbini garşy goýmak arkaly adamlary ýagşy gylyk-häsiýetlere çagyrandygy, jemgyýetde adalat, hormat-sarpa we ruhy baýlyk ýaly gymmatlyklaryň ornaşmagyna uly üns berendigi nygtalýar..