SHAYBONIYLAR DAVRIDA BUXORO MASJIDLARI ME'MORCHILIGI

Abstrak

Mazkur maqolada Shayboniylar davrida Buxoro masjidlari me’morchiligining shakllanishi, taraqqiyoti va o‘ziga xos xususiyatlari tahlil qilinadi. Tadqiqotda XVI asrda Buxoroda amalga oshirilgan bunyodkorlik ishlari, xususan Ubaydullaxon, Abdulazizxon I va Abdullaxon II davrida qurilgan hamda ta’mirlangan masjidlarning me’moriy tuzilishi, funksional vazifalari va badiiy bezaklari yoritiladi. Masjidi Kalon, Xoja Kalon masjidi, Xoja Zayniddin masjid-xonaqohi, Volidai Abdulazizxon masjidi, Shoh Axsiy, Fayzobod, Namozgoh va Ko‘kaldosh masjidlari misolida Shayboniylar davri masjid me’morchiligining asosiy tamoyillari ochib beriladi. Shuningdek, maqolada epigrafik manbalar, vaqf hujjatlari va yozma tarixiy asarlar asosida mazkur inshootlarning tarixiy-madaniy ahamiyati hamda Buxoro me’morchilik maktabi taraqqiyotidagi o‘rni baholanadi