BRUTSELLYOZ SURUNKALI SHAKLLARINING IMMUNOLOGIK XUSUSIYATLARI.

Abstrak

Brutsellyoz – endemik kasallanish ko‘rsatkichiga ega bo‘lgan hududlarda, jumladan, O‘zbekiston Respublikasida sog‘liqni saqlashning jiddiy muammosi hisoblangan zoonoz infeksiyadir (1, 2, 5). Ushbu infeksiya surunkali shaklga o‘tish xavfi yuqoriligi bilan ajralib turadi va turli a’zolar hamda tizimlar funksiyasining buzilishi natijasida mehnat qobiliyatini yo‘qotishga hamda nogironlikka sabab bo‘ladi (3, 4, 6). Bir qator mualliflarning ma’lumotlariga ko‘ra, brutsellyoz uchun tayanch-harakat, nerv, yurak-qon tomir va siydik-tanosil tizimlarining shikastlanish sindromlari xosdir, biroq ushbu kasallikdagi immunologik o‘zgarishlarning xususiyatlari haqidagi ma’lumotlar juda kam va o‘rganilishga muhtoj.