ОҒИР ЙОД ТАНҚИСЛИГИ ШАРОИТИДА ЯШОВЧИ ТУБЕРКУЛЁЗ КАСАЛЛИГИ БОР ТУҒИШ ЁШИДАГИ АЁЛЛАРДА РЕПРОДУКТИВ САЛОМАТЛИК БУЗИЛИШЛАРИНИНГ КЛИНИК ХУСУСИЯТЛАРИ (АДАБИЁТЛАР ШАРҲИ)

Abstrak

Ушбу мақола оғир йод танқислиги кузатиладиган ҳудудларда яшовчи, туберкулёз касаллиги билан оғриган туғиш ёшидаги аёлларда репродуктив саломатлик бузилишларининг клиник хусусиятларига бағишланган адабиётлар шарҳини тақдим этади. Мақолада йод танқислиги ва туберкулёзнинг алоҳида ҳолда ҳам, биргаликда ҳам репродуктив тизимга таъсири ҳақида мавжуд илмий манбалар таҳлил қилинган. Айниқса ҳайз циклининг бузилиши, овулятор дисфункция, гормонал ўзгаришлар ва бепуштлик ривожланишининг эҳтимолий механизмларига алоҳида эътибор қаратилган. Адабиётлар таҳлили шуни кўрсатадики, йод танқислиги ва туберкулёз фонида репродуктив бузилишлар хавфи ортади, бу эса мазкур контингентда комплекс тиббий ёндашув зарурлигини асослайди.