O'ZBEKISTONDA SUD-EKSPERTLIK FAOLIYATINI RAQAMLASHTIRISH: "E-EKSPERTIZA" PLATFORMASI ORQALI EKSPERTIZANI TAYINLASH VA HUJJATLARNI YUBORISH XUSUSIYATLARI

Abstrak

Maqolada O‘zbekiston Respublikasi Prezidentining 2025-yil 8-sentabrdagi PQ-270-son qarori asosida sud-ekspertlik faoliyatiga tatbiq etilayotgan raqamli islohotlar tadqiq qilingan. Xususan, sud ekspertizasini tayinlash to‘g‘risidagi qaror (ajrim) va ish materiallarini davlat sud-ekspertiza muassasalariga elektron axborot tizimlari orqali yuborish tartibi, ushbu jarayonning huquqiy asoslari hamda bu borada surishtiruv, tergov va sud organlari xodimlari uchun tashkil etilishi lozim bo‘lgan targ‘ibot tadbirlarining mazmun-mohiyati yoritilgan. Maqolada “E-ekspertiza”, “E-material” va sud axborot tizimlari integratsiyasining protsessual tejamkorlik va shaffoflikni ta’minlashdagi o‘rni tahlil qilingan.