O'ZBEK XALQ DOSTONLARIDA, XUSUSAN "GO'RO'GLINING TUG'ILISHI" DOSTONIDA OTNING RAMZIY VA EPIK OBRAZLARI

Abstrak

Mazkur maqolada o‘zbek xalq dostonlarida ot obrazining tarixiy, madaniy va badiiy ahamiyati tahlil qilinadi. Unda otning o‘zbek xalq hayoti va madaniyatidagi o‘rni, qadim zamonlardan buyon inson faoliyatida tutgan roli, shuningdek, epik dostonlardagi ramziy va mifologik jihatlari yoritilgan. Maqolada otning qanotli tasvirlanishi va uning qahramonlarga yordam beruvchi epik xususiyatlari misollar bilan ko‘rsatilib, bu fenomen ajdodlarimizning otga oid mifik tasavvurlari bilan bog‘lanadi. Xorazm, Anadolu va Ozarbayjon rivoyatlari orqali otning xalq etimologiyasidagi o‘rni va qadimiy e’tiqodlar tahlil qilinadi. Shuningdek, maqolada “Go‘ro‘g‘lining tug‘ilishi” dostonidagi epik ot motivlari, uning uchish va sehrli xususiyatlari, dostonlarda ot va unga oid buyumlar ramziy ma’no kasb etishi misollar bilan tasvirlanadi..