MAHMUD AZ-ZAMAXSHARIYNING ISLOM SIVILIZATSIYASIDA TUTGAN O'RNI

Abstrak

Mazkur maqolada vatandoshimiz, Islom olamining buyuk allomasi Mahmud az-Zamaxshariyning Islom sivilizatsiyasi taraqqiyotidagi o‘rni tahlil qilinadi. Unda allomaning arab tili, adabiyot, tafsir, mantiq va kalom ilmlariga qo‘shgan beqiyos hissasi yoritiladi. Ayniqsa, uning “Al-Kashshof” nomli tafsiri Qur’on ilmlari tarixida muhim burilish yasagan asar sifatida baholanadi. Shuningdek, Zamaxshariyning “Asos al-balog‘a”, “Al-Mufassal” kabi asarlari arab tili grammatikasini ilmiy asosda tizimlashtirishdagi ulkan ahamiyatini ko‘rsatib beriladi. Maqolada olimning ilmiy merosi musulmon Sharqi madaniy hayotida, ayniqsa, ilmiy tafakkur, tilshunoslik va tafsirshunoslik sohalarida tutgan o‘rni chuqur tahlil etilgan. Zamaxshariy ijodining o‘rganilishi bugungi kunda ham islom sivilizatsiyasining ilmiy-ma’naviy asoslarini anglashda muhim manba bo‘lib xizmat qiladi.