PROFILAKTIKA INSPEKTORINING HUDUDLARDA KRIMINOGEN VAZIYATNI YAXSHILASHDA HUQUQBUZARLIKLARNI BARVAQT OLDINI OLISH MEXANIZMINI TAKOMILLASHTIRISH

Abstrak

Ushbu maqolada profilaktika inspektorining hududlarda kriminogen vaziyatni yaxshilashda huquqbuzarliklarni barvaqt oldini olish mexanizmlarini takomillashtirish masalalari ilmiy jihatdan o‘rganilgan. Tadqiqotda jinoyatchilikning paydo bo‘lish sabablari, xavf guruhiga mansub shaxslarni aniqlash va ular bilan individual profilaktik ishlar olib borish orqali kriminogen vaziyatni barqarorlashtirishga qaratilgan chora-tadbirlar tahlil qilingan. Shuningdek, profilaktika inspektorlarining axborot-tahlil faoliyati, mahalla, ta’lim, sog‘liqni saqlash va jamoat tashkilotlari bilan o‘zaro hamkorlik mexanizmlari, raqamlashtirish va profilaktik tadbirlarni manzilli rejalashtirishni takomillashtirish bo‘yicha amaliy takliflar ishlab chiqilgan. Ish natijalari hududlarda huquqbuzarliklarni kamaytirish, jinoyatchilikning oldini olish tizimini zamonaviy talablar asosida qayta ko‘rib chiqish va profilaktika inspektori faoliyatining samaradorligini oshirishga qaratilgan..